सगळ्यात अगोदर एका बाउलमध्ये 1/2 कप तुरडाळ आणि 1/2 कप मसूरडाळ पाण्यामध्ये स्वच्छ धुऊन 15 मिनिट पाण्यामध्ये भिजवून ठेवा.

15 मिनिट झाल्यानंतर कुकरमध्ये भिजून ठेवलेले डाळ घ्या. त्याच्यामध्ये 1/2 इंच बारीक चिरलेले अदरक,5-6 बारीक चिरलेले लसूण पाकळ्या, 2 हिरव्या मिरच्या बारीक चिरलेले आणि मीठ चवीनुसार घालून 2 कप पाणी घालून चागलं मिक्स करून घ्या.

त्याचानंतर कुकरला झाकण लावून गॅस वर ठेवा. कुकरच्या 3 शिट्या झाल्यानंतर गॅस बंद करा. नंतर तयार झालेले मिश्रण मिक्सरमधून बारीक वाटून घ्या.

त्याचानंतर वाटून घेतलेल्या मिश्रणामध्ये थोडे पाणी घालून गॅस वर ठेवा. त्याच्यामध्ये 1 लिंबू पिळून घाला. हे मिश्रण 5 मिनिट उकळून घ्या. त्याच्यानंतर त्यामध्ये 1 टेबलस्पून काळी मिरी पावडर घालून मिक्स करून गॅस बंद करा. तयार झालेले सूप एका बाउलमध्ये काढून त्याच्यावरती थोडे बारीक चिरलेली कोथींबीर घाला. आता सूप सर्व्ह करण्यासाठी तयार आहे.