प्रथम सगळ्या भाज्या स्वच्छ धुवून उभ्या चिरून घ्यावे. मैदा व गव्हाचे पीठ मीठ घालून पाण्याने मळून घ्यावे व त्याचे गोळे तयार करावे.

एका कढईमध्ये एक टीस्पून तेल घालून त्यामध्ये कांदा घालून परतून घ्यावा. नंतर टोमॅटो घालावा व नंतर सर्व भाज्या घालून चांगले परतून घ्यावे. नंतर त्यामध्ये मिरी पावडर, चाट मसाला व मीठ घालून मिक्स करावे व वरुन चीज घालून मिश्रण तयार करावे.

तयार पिठाचे गोळे घेवुन पुरी एवढे लाटावे. नंतर त्यामध्ये सारण भरावे व दोन्ही बाजूने दुमडून घेऊन रोल तयार करावा.

तयार केलेले रोल गरम तेलात तळून घ्यावे व दोन्ही बाजूंनी खमंग तळून घ्यावे.