هنخلط اللبن الدافي مع السكر والخميرة ونسيبهم من خمس لعشر دقايق علي جنب بعدها بنحط البيض والخل والزبدة ونقلبهم كويس وبنضيف الدقيق والملح ونبدأ بالعجننعجن كويس لحد ما تكون عجينه ناعمه وطرية وندهن الوعاء بزيت او سمنه ونغطي العجينه ونسيبها تخمر من ساعه لساعتين

بعد ماتكون خمرت بندهن صنيه التوست سمنه او زيت وبنفرد العجينه علي طول الصنيه ونلفها رول ضيق جدا ومتناسق ووبنقفلها كويس وبنحطها في الصنية ونسيبها تخمر لتاني مرة حوالي ساعه الاربع تاخد شكل الصنية

بندخلها فرن سخن علي الرف اللي فوق خالص حوالي عشر دقايق وبعدها بنحطها في الرف الوسط لمدة نصف ساعه بتاخد لون دهبي اول ما بتخرج بندهنها زبدة عشان تلمع وتبقي حلوه كده اهم حاجه بقي نسيبها تبرد خالص وبعدها نقطعها بقي واستمعتو بطعمها الحلو اوي وبس كده بالف هنا وشفا ❤