முதலில் ஒரு வாணலியை அடுப்பில் வைத்து அதில் ஒரு டீஸ்பூன் எண்ணெய் ஊற்றி காய்ந்ததும்அதில் துண்டுகளாக நறுக்கப்பட்ட வெண்டைக்காயை சேர்த்து நன்றாக வதக்கி எடுத்து வைத்துக் கொள்ளவும்.பின் அதே கடாயில் சிறிதளவு எண்ணெய் ஊற்றி காய்ந்ததும் அதில் சின்ன வெங்காயத்தை சேர்த்து பொன்னிறமாக வதக்கவும்.ஒரு மிக்ஸி ஜாரில் வதக்கிய சின்ன வெங்காயம், தக்காளி, மிளகாய்தூள், மல்லித்தூள் சேர்த்து மைய அரைத்து வைத்துக் கொள்ளவும்.

மற்றொரு கடாயில் எண்ணெய் ஊற்றி அதில் வெந்தயம், கடுகு உளுந்தம்பருப்பு,கறிவேப்பிலை,சின்ன வெங்காயத்தை சேர்த்து நன்றாக வதக்கவும். வதங்கிய பிறகு அரைத்து வைத்திருக்கும் மசாலாகலவை,தேவையான அளவு தண்ணீர், மஞ்சள் தூள்,உப்பு சேர்த்து பச்சை வாசனை போகும் நன்றாக கொதிக்க விடவும். கொதித்தபின் வதக்கி வைத்திருக்கும் வெண்டைக்காயை சேர்த்து வேகவிடவும்.

வெண்டைக்காய் வெந்த பிறகு கரைத்து வைத்திருக்கும் புளிக்கரைசலை சேர்த்துமீண்டும் கொதிக்க விடவும்.ஒரு கொதி வந்த பிறகு தேங்காயை அரைத்து இதனுடன் சேர்த்து மறுபடியும் ஒரு கொதி வந்த பிறகு இறக்கினால் சுவையான வெண்டைக்காய் புளிக்குழம்பு தயார்.