મુંબઈ ની ફેમસ મુંબઈ મસાલા ટોસ્ટ સેન્ડવીચ બનાવવા માટે સૌપ્રથમ બ્રેડ અને ચીઝ સ્લાઈસ લો. ત્યારબાદ બધા વેજિટેબલ્સ ને ઝીણા સમારી લો.હવે એક બ્રેડ પર બટર સારી રીતે સ્પ્રેડ કરો. હવે બ્રેડ પર ગ્રીન ચટણી સ્પ્રેડ કરો.

હવે બ્રેડ ઉપર બધા વેજિટેબલ્સ મૂકો. ત્યારબાદ બધા મસાલા અને સ્વાદ અનુસાર મીઠું સ્પ્રિંકલ કરો. એક ચીઝ સ્લાઈસ બ્રેડ પર મૂકો. હવે બીજી બ્રેડ લઈને તેના ઉપર બટર લગાવીને બ્રેડ ઉપર મૂકી દો. આજ રીતે બીજી બ્રેડ પણ તૈયાર કરી લો.

હવે એક તવો ગરમ કરો તવા ઉપર બટર મૂકી બધી બાજુ સ્પ્રેડ કરો. હવે તેના ઉપર બ્રેડ મૂકો અને બંને બાજુ ગોલ્ડન બ્રાઉન થાય એ રીતે શેકી લો. આ રીતે બીજી બ્રેડ શેકી લો.

આપણી ગરમાગરમ મસાલા ટોસ્ટ સેન્ડવીચ તૈયાર છે. હવે મસાલા ટોસ્ટ સેન્ડવીચ ના ૪ પીસ કરીને એક પ્લેટમાં સર્વ કરો. હવે તેની ઉપર બારીક સેવ સ્પ્રિંકલ કરો. તો મુંબઈ ફેમસ મસાલા ટોસ્ટ સેન્ડવીચ સર્વ કરવા માટે તૈયાર છે. તમે આ સેન્ડવીચ ને લીલી ચટણી, લસણની ચટણી, અને ટોમેટો કેચપ સાથે સર્વ કરી શકો છો. આ સેન્ડવીચ નાના તથા મોટા ખૂબ જ આનંદથી ખાય છે. તો તમે મારી મુંબઈ ની ફેમસ મુંબઈ મસાલા ટોસ્ટ સેન્ડવીચ ની આ રેસીપી ઘરે જરૂર ટ્રાય કરો અને આનંદ માણો.