இட்லி அரிசியை நன்கு தண்ணீர் விட்டு அலசி, அது மூழ்கிற அளவுக்கு தண்ணீர் விட்டு 4மணிநேரம் ஊற விடவும். உளுத்தம்பருப்புடன் வெந்தயம் சேர்த்து தண்ணீர் விட்டு 4மணிநேரம் ஊறவைக்கவும். தனித்தனியாக ஊறவைக்கவும்.

பின்னர் கிரைண்டரில் முதலில் உளுந்தை தண்ணீர் இல்லாமல் போட்டு அரைத்து கொள்ளவும். தேவையான அளவு தண்ணீர் விட்டு அரைத்து கொள்ளவும்.

பின் அதே கிரைண்டரில் அரிசி மாவை, தண்ணீர் இல்லாமல் போட்டு அரைத்து கொள்ளவும். தேவையான அளவு தண்ணீர் விட்டு மைய அரைத்து கொள்ளவும்.

ஏற்கனவே அரைத்து வைத்த உளுந்து மாவையும், அரிசி மாவையும் ஒன்றாக கலந்து,உப்பு சேர்த்து 8 மணிநேரம் புளிக்க வைக்கவும். பின்னர் இட்லி தட்டில், இட்லி ஊற்றி ஆவியில் வேகவைத்து எடுக்கவும்