एका कढई मध्ये तूप गरम करून त्यात गूळ घालून हलवत राहा. गूळ विरघळला की लगेच खावलेला नारळ घालून परतात राहा आणि 5-7 मिनिटांनी आंब्याचा गर घालून परतात राहा.

आता गर आटत आला की खसखस, वेलची पावडर आणि जायफळ पावडर घालून छान मिक्स करा. 5 मिनीटांनी गॅस बंद करावा फार कोरडं करू नये. सारण तयार झाले. आता उकडीकडे वळूयात.

पाण्याला उकळी यायला लागली की लगेच त्यात तेल मीठ आणि आंब्याचा गर घालून ढवळून घ्या.

आता छान उकळी आली की आता त्यात तांदुळाचे पीठ घालावे आणि छान मिक्स करून झाकण ठेवावे आणि 2-3 मनिटांनी गॅस बंद करावा.

10-15 मिनिटांनी झकाण काढून उकड छान तेल आणि पाणी लावून सगळ्या गुठळ्या मोडून घेऊन छान मऊसुत मळून घ्यावी.

आता एक एक छोटा गोळा करून वाटी करून त्यात सारण भरून पाकळ्या करून म मोदक वळून घ्यावेत.अशा प्रकारे सगळे मोदक वळून घ्यावेत. मोदक वळून झाल्यावर ओल्या कपडाखाली झाकून ठेवा म्हणजे कोरडे होणार नाहीत.

आता मोदक पत्रात पाणी गरम करायला ठेवा. पाणी गरम झाले की त्यावर जाळीवली ताटली आणि त्यावर कॉटन कपडा ओला करून ताटलीवर ठेवून त्यावर मोदक ठेवावेत आणि 20-25 मिनिटे वाफवून घ्यावेत. आणि गॅस बंद करून 5-10 मिनिटांनी झाकण काढावे.2