સૌપ્રથમ ટામેટાં, લસણ અને આંબલી પીસી લેવું.

હવે એક પેનમાં સરખું તેલ મૂકી તેમાં રાઈ જીરુ અને હિંગનો વઘાર કરવો. ત્યાર પછી તેમાં ૬-૭ કતરણ કરેલું લસણ અને લીમડો નાખવો. બે મિનીટ પછી સૂકા લાલ મરચાં નાખવાં અને ધ્યાન રાખવું કે તે બળી ના જાય.

વઘાર કર્યા પછી ટામેટાં, લસણ અને આંબલી પીસીને એની પેસ્ટ વઘારમાં નાખવી અને ત્યાર પછી તેમાં જરૂર મુજબ મીઠું હળદર અને મરચું નાખવું.

ધીરે ધીરે ટમેટાની ચટણી નો કલર બદલાશે અને એને તેલ છૂટે ત્યાર સુધી કુક થવા દેવું. લગભગ એક થી દોઢ કલાક ધીમા તાપે ઉકાળવું.

ટમેટાની ચટણી ને સતત ઉકાળવું અને થોડી થોડી વારે હલાવતા રહેવું જેથી ચટણી ચોંટી ના જાય. આ કરવાથી ચટણી ઉકડીને 1/2થઇ જાશે અને એનો સ્વાદ ખુબ જ સરસ લાગશે.