प्रथम चणाडाळ आणि शेंगदाणे स्वच्छ धुऊन पाण्यात पाच ते सहा तास भिजत ठेवा त्याचबरोबर चिंच देखील पाण्यामध्ये भिजवून ठेवा.

आता अळू स्वच्छ धुऊन त्याची देठं काढून देठांवर ची सालं काढून पातळ कापून घ्या.त्याच पद्धतीने आळूची पाने देखील बारीक चिरून घ्या.आता ही देठं आणि पानं मिक्सरमध्ये घालून त्याची बारीक पेस्ट करून घ्या. तसेच एकीकडे चणाडाळ आणि शेंगदाणे भिजलेले आहेत ते देखील उकडून घ्या साधारण बोटचेपे झाले की गॅस बंद करा.

आता एका कढई मध्ये तेल घालून अळूची पेस्ट घालून परतून घ्या नंतर त्यामध्ये गरजेनुसार पाणी घाला मिरच्यांचे तुकडे आल्याचे तुकडे कढीपत्त्याची पाने,मुळा घालून व्यवस्थित मिक्स करा आणि उकळी येऊ द्या.आता यामध्ये चिरलेली चणा डाळ आणि शेंगदाणे घालून व्यवस्थित मिक्स करा. त्याचबरोबर खोबऱ्याचे काप आणि काजू देखील घाला..अळूच्या या भाजीला जे आपल्याला बेसन लावायचे आहे ते एका भांड्यात घेऊन त्यात थोडे पाणी घाला आणि त्याची पेस्ट करून घ्या.

आता वरील भाजीमध्ये तिखट, गोडा मसाला घालून भाजी व्यवस्थित मिक्स करा.आता यामध्ये चिंचेचा कोळ घाला आणि गूळ घाला. आणि भाजीला चांगल्या उकळी आणा. आता जे पण बेसन कालवलेले आहे पाण्यामध्ये ते या भाजीमध्ये हळूहळू घालून एकीकडे सतत भाजी ढवळत राहा म्हणजे त्याच्या गुठळ्या होणार नाहीत बेसनामुळे अळूच्या भाजीला थोडा दाटपणा येतो. आता भाजीला अजून एक ते दोन उकळ्या काढा.

दुसरीकडे एका कढल्यात जरासे जास्त तेल घेउन तेल तापले की त्यात मोहरी घाला. मोहरी तडतडली कि त्यात जीरे घाला,हिंग हळद,थोडा कडीपत्ता, थोडी कोथिंबीर आणि मेथी दाणा घालून खमंग फोडणी करून घ्या.या भाजीला खमंग फोडणी ची आवश्यकता असते नाहीतर या भाजीची चव बिघडते. आता भाजी मध्ये कोथिंबीर आणि ओले खोबरे घालून एक दोन उकळ्या आणा आणि गॅस बंद करा तयार झाले आपले आळूची पातळ भाजी किंवा अळूचं फदफदं..

तयार झालेले अळूची भाजी गरमागरम आंबेमोहोर तांदळाच्या भाताबरोबर आणि गरमा गरम पोळीबरोबर सर्व्ह करावी.