ગોળ કેરીનું શાક બનાવવા સૌ પ્રથમ ૩ નંગ કાચી કેરી લો. કેરી ને સારી રીતે ૨ થી ૩ પાણી માં સારી રીતે ધોઈને ચોરસ ટુકડામાં કાપી લો. હવે એક કઢાઈમાં ૨ ચમચી તેલ ઉમેરો. ગેસની આંચ ધીમી રાખો. તેલ ગરમ થઇ જાય એટલે એક સૂકું લાલ મરચું રાઈ અને જીરું અને વળીયારી ઉમેરો.

રાઈ તતડી જાય અને જીરું શેકાઈ જાય એટલે પેનમાં કેરીના ટુકડા ઉમેરો. હવે એમાં ૧/૨ ચમચી હળદર અને સ્વાદ અનુસાર મીઠું ઉમેરો. અને બધું બરાબર મિક્ષ કરી લો. હવે તેનો પર એક ઢાંકણું ઢાંકીને થોડીવાર થવા દો. કેરી બરાબર બફાય જાય એટલે ઢાંકણું ખોલી દો. હવે એમાં ગોળ ઉમેરી ને બધું બરાબર મિક્સ કરો.

હવે ૧/૪ કપ પાણી ઉમેરો. હવે ગોળ ઓગળી જાય એટલે શેકેલું જીરું પાઉડર અને કાશ્મીરી લાલ મરચું ઉમેરી ને બધું બરાબર મિક્સ કરી લો. હવે થોડી વાર થવા દો. હવે ગેસ બંધ કરી થોડું ઠંડુ થવા દો. ઠંડુ થશે એટલે ગોળ કેરી નો રસો જાડો થઈ જશે.

હવે એક બાઉલમાં સર્વ કરો. આપણું ગોળ કેરીનું શાક બનીને તૈયાર છે. આ શાક તમે એક કાચની બોટલમાં ભરીને ૧૫ દિવસ સુધી ફ્રિજમાં સ્ટોર કરી શકો છો.આ શાક રોટલી,ભાખરી,પરાઠા,દાળ ભાત,ખીચડી સાથે ખાઈ શકો છો.અને આ શાક ખૂબ જ સ્વાદિષ્ટ લાગે છે. આ ગોળ કેરીનું શાક નાના તથા મોટા બધાને ખુબ જ ભાવશે. તો તમે મારી આ રેસીપી ઘરે જરૂર ટ્રાય કરો અને આનંદ માણો.