#KS5
आंब्याचा खार म्हणजेच गावरान पद्धतीने बनवलेले लोणचे. मराठवाड्यात लातूर साइडला ग्रामीण भागात आशा प्रकारे लोणचे बनवले जाते. या मध्ये तेलाचा वापर करत नाहीत.हे लोणचे मुरायला पंधरा दिवस तरी लागतात. उन्हात ठेवायची गरज नाही. कैऱ्या चांगल्या असल्या पाहिजेत मग वर्षभर छान टिकतो आंब्याचा खार. आमच्या कडे गावी लोणचे व्यवस्थीत मुरल्यावर खाण्याच्या वेळी तव्यात एक चमचा तेल टाकून चार -पाच लोणच्याच्या फोडी थोडस एक मिनिट तेलात परतून घेतात मग खातात. जसे लागले तसे तेलात परतून घेतात पण ,सगळ्या लोणच्या मध्ये बिलकुल तेल घालत नाहीत. काही ठिकाणी या मध्ये लाल तिखट , बडीशेप पण घालतात. पण मी आमच्या घरी जसे बनवतात तसेच लोणचे बनवले आहेे. 😊 मला तर हे लोणचे असेच किंवा तेलात परतून दोन्ही प्रकारे खायला खूप आवडते. याच पद्धतीने आमच्या कडे हिरव्या मिरच्या चे पण लोणचे बनवतात. त्याला मिरच्याचा खार असं म्हणतात....चला तर मग आज ऑईल फ्री आंब्याचा खार म्हणजेच लोणच्याची रेसिपी बघूया. 😊