एका वाटी मध्ये मैदा, मीठ घालून मिक्स करून घेणे व तेल घालून घेणे.

मैदाला तेल चांगले चोळून घ्यावे. मूठ तयार झाली पाहिजे. म्हणजे तेलाचे प्रमाण योग्य आहे. वाटी पण कुरकुरीत होते.

थोडे-थोडे पाणी घालून मऊ गोळा मळून घेणे. पीठ 10-15 मिनिटे झाकून ठेवावे. इतर तयारी करून घेणे.

कांदा, टोमॅटो व कोथिंबीर बारीक चिरून घ्यावेत. उकडलेले बटाटे साले काढून कुस्करुन घेणे. भिजवलेले हिरवे मुग पाणी व मीठ घालून 5 मिनिटे शिजवून घेणे.

गॅसवर कढई तापत ठेवून त्यात तेल घालणे. पीठ पुन्हा मळून घेणे. त्याचे छोटे-छोटे गोळे करून घेणे व एक गोळा घेऊन त्याची मध्यम जाड पुरी म्हणजे पातळ ही नाही व जाड ही नाही;लाटून घेणे. काटयाचमच्याने टोचून घेणे व त्यावर कोणत्याही आकाराची वाटी ठेवून उलटी करून घेणे. वरून ही टोचे मारून घेणे. म्हणजे फुगणार नाही.काठाच्या वर पीठ आले तर,सुरीने कापून घेणे. गॅस मध्यम आचेवर ठेवून वाटी तेलात सोडणे.

थोडीशी वाटी तळली गेली की, पिठापासून सुटी होते. ती काटा चमचा व झाऱ्याने बाहेर काढून घेणे व हे करताना काळजी घ्यावी. वाटी दोन्ही बाजूंनी गुलाबी रंगाची तळून घ्यावी. अशाप्रकारे सर्व वाटी करून घेणे.50-60 मिनिटे लागतात. 16-17 वाटी तयार होतात.

एका डीशमध्ये एक वाटी ठेवून त्यात बटाटा,हिरवे मुग,कांदा टोमॅटो घालावे. वर चाट मसाला, लाल तिखट, जीरे पावडर, किंचित मीठ घालून घेणे.

वरून दही,हिरवी चटणी,चिंचेची चटणी घालून घ्यावी.त्यावर कोथिंबीर व शेव घालावी.

एका ताटलीत कुस्करलेला,कांदा, टोमॅटो, हिरवे मूग व सर्व मसाले घालून मिक्स करून घेणे.अशाप्रकारे एकत्र करुन कटोरीत घातले तरी चालेल.