प्रथम एका कढईमध्ये खोबरे घालून २-३ मि. परतून घ्यावे, ज्यामुळे त्यातील ओलावा कमी होईल. नंतर त्यामध्ये साखर, आमरस व दूध घालावे. सर्व मिश्रण सतत हलवत रहावे. आता साखर विरघळून मिश्रण पातळ होईल.

आता ४ पेढे चुरून त्यामध्ये टाकावेत. तूपही घालावे.आता मिश्रण घट्ट होईपर्यंत हलवत रहावे.

मिश्रण घट्ट झाले, कडेने बुडबुडे दिसू लागले की वेलची पूड घालावी. मिक्स करावे.एका ताटाला तूप लावून त्यामध्ये मिश्रण काढावे. व ताटभर पसरवावे, सुक्या मेव्याचे काप घालावेत.जरा थंड झाले की वाटीच्या बुडाने थापावे व कोमट असतानाच हव्या त्या आकाराच्या वड्या कापाव्यात.