வெங்காயம், தக்காளி மற்றும் பச்சை மிளகாயை நீளவாக்கில் நறுக்கிக் கொள்ளவும். ஒரு அடி கனமான கடாயை அடுப்பில் வைத்து சூடேற்றி எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காயத்தை சேர்த்து நன்கு சிவக்க வறுத்த உடன் இஞ்சி பூண்டு விழுதை சேர்த்து நன்கு வதக்கிக் கொள்ளவும்.

இதனுடன் பச்சை மிளகாய்,கொத்தமல்லி, கருவேப்பிலை,புதினா இலைகளை சேர்த்து வதக்கி தக்காளியையும் சேர்த்து நன்கு வதக்கிக் கொள்ளவும்

தக்காளி நன்கு குழைய வதங்கியதும் கொடுத்துள்ள தூள் வகைகள் மற்றும் தேவையான அளவு உப்பு சேர்த்து வதக்கி அவை ழுழ்கும் அளவு தண்ணீர் ஊற்றி கொதித்து பச்சை வாசனை போகும் வரை வதக்கி அரைத்து வைத்துள்ள தேங்காய் விழுதை சேர்த்து அதனுடன் 2டம்ளர் தண்ணீர் ஊற்றி கைவிடாமல் கிளறி கொண்டே இருக்கவும்.

சிறிது நேரம் கழித்து கடலை மாவை சிறிதளவு தண்ணீர் ஊற்றி கரைத்து அதனுடன் சேர்க்கவும். மேலும் 2 டம்ளர் தண்ணீர் ஊற்றி இதனை கிளறி மூடி வைத்து 10 -15 நிமிடங்கள் மிதமான தீயில் கொதிக்க விடவும்.

இப்போது 1/2 டேபிள் ஸ்பூன் கரம் மசாலா அல்லது சிக்கன் மசாலா தூள் சேர்த்து சிறிது நேரம் கொதித்ததும் கொத்தமல்லி இலைகளை தூவி இறக்கினால் கம கமக்கும் வாசனையுடன் பரோட்டா கல்தோசை அல்லது இட்லியுடன் சேர்த்து சாப்பிட மிகவும் சுவையான சேலம் சால்னா தயார்.