સૌ પ્રથમ બટાકાને બરાબર ધોઈ કૂકરમાં બાફી લો. બીજી બાજુ આદુ મરચા અને લસણની પેસ્ટ બનાવી લો. માઈક્રોવેવમાં ડુંગળી અને ટામેટાની સ્લાઈસ કરીને high tem પર 5 મિનિટ માટે મૂકવું જેથી એની direct પેસ્ટ કરી લેવાય.

માઇક્રોવેવ માંથી ડુંગળી અને ટામેટું કાઢી લઈ ઠંડુ પડે એટલે મિક્સરમાં ગ્રાઈન્ડ કરી લો. અને ફરી માઈક્રોવેવમાં 5 મિનિટ માટે વટાણાને મૂકી દો એટલે સરસ બફાઈ જાય અને સોફ્ટ થઈ જાય.

એક કઢાઈમાં તેલ ગરમ કરવા મુકો. તેમાં જીરું તતળાવો. પછી આદુ મરચા અને લસણની પેસ્ટ ઉમેરો. પછી તેમાં ડુંગળી અને ટામેટાની પેસ્ટ ઉમેરો અને ૫ મિનિટ સાંતળો.પછી બધા મસાલા ઉમેરી અને થોડું પાણી નાખીને બરાબર મિક્ષ કરો લો.

કુકર ઠંડુ પડે એટલે બટાકા છોલીને તેને મિડિયમ સાઈઝમાં સમારી લો. અને વટાણા પણ માઇક્રોવેવ માંથી બહાર કાઢી લો.

હવે એ ગ્રેવીમાં બટાકા અને વટાણા ને ઉમેરી બરાબર મિક્ષ કરી લો. જરૂર લાગે તો થોડું પાણી ઉમેરવું... છેલ્લે તેમાં કસૂરી મેથી નાખીને મિક્સ કરી લો..

લચ્છા પરાઠા માટે:
એક બાઉલમાં લોટ,મીઠું,તેલ અને કસૂરી મેથી નાખી બરાબર મિક્ષ કરી પુરીનો લોટ બાંધીએ એવો લોટ બાંધી લેવો. તેના થોડા મોટા લુવા કરી લેવા.

એક લુવો લઈ તેને મોટી રોટલી વણી લેવી અને પછી તેના પર ઘી ચોપડવું અને તેના પર મસાલો ભભરાવવો. પછી તેને એક આગળ અને એક પાછળ એમ ચપટી લઈ ફોલ્ડ કરતા જવું. અને પછી એટલે તેને ગોળ ફોલ્ડ કરી ફરી પરાઠું વણી લેવું અને તેને તવા પર શેકી લેવું. એટલે એક એક પડ છુટા પડશે. અને તેને ગરમાગરમ સબ્જી સાથે સર્વ કરો.