முதலில் உருளைக்கிழங்கை வேக வைத்து தோலுரித்து நன்கு பிசைந்து வைத்துக் கொள்ளவும்.

ஒரு பாத்திரத்தில் கோதுமை மாவு, பிசைந்து வைத்துள்ள உருளைக்கிழங்கு,மிளகாய்த்தூள், கரம் மசாலா,மஞ்சள் தூள்,உப்பு போட்டுக் கொள்ளவும்.

பின் பொடியாக நறுக்கிய கொத்தமல்லி இலை தேவையான அளவு தண்ணீர் சேர்த்து நன்கு பிசைந்த பின்னர் மாவின் மீது சிறிதளவு எண்ணெய் தடவி 25 நிமிடம் ஒரு தட்டு போட்டு மூடி வைக்கவும்.

பின்னர் சப்பாத்தி கல்லில் மாவை தூவி வட்ட வடிவில் மசாலா சப்பாத்தி தேய்த்துக் கொள்ளவும்.அடுப்பின் மீது தோசைக்கல்லை வைத்து சூடானதும் தேய்த்து வைத்துள்ள மசாலா சப்பாத்தியை போட்டு வெந்தவுடன் திருப்பி எடுத்தாள். சுவையான உருளைக்கிழங்கு மசாலா சப்பாத்தி ரெடி.