प्रथम तांदूळ स्वच्छ धुवून थोडे कमी पाणी घालून कुकरमध्ये दोन शिट्ट्या करून भात करून घ्यावा. थंड झाल्यावर एका पसरट भांड्यात किंवा ताटात मोकळा करून घ्यावा.

आता कढईमध्ये तेल गरम करून त्यामध्ये प्रथम बेदाणे व काजूचे दोन भाग करून तळून घेणे. बाजूला काढून ठेवणे.

त्याच तेलात हिंग, जीरे, मिरचीचे तुकडे, कोथींबीर घालावी. मिनिटभर परतून चवीपुरते मीठ घालावे. थोडे तळलेले काजू व बेदाणे घालावे.भात घालावा व दोन मि. व्यवस्थित हलवावे.

गॅस बंद करावा. एका डिशमध्ये काढावा. वरून सजावटीसाठी पुन्हा थोडे काजूचे काप, बेदाणे, कोथिंबीर घालावे व सर्व्ह करावा.डाळ फ्राय, फोडणीच्या वरणाबरोबर छान लागतो.