१ कप पंढरपुरी डाळ आणि २ कप गावठी पोहे कढईत थोडे गरम करून घेतले. थंड झाल्यावर मिक्सर ला बारीक पूड केली. त्यात २ कप तांदळाचं पीठ, २ चमचे धणेपूड, २ चमचे पांढरे तिळ, १ चमचा ओवा, चवीनुसार मीठ, १ चमचा हळद, २ चमचे लाल तिखट, १ चमचा काश्मिरी मिरची पावडर (रंगासाठी) मिक्स करून मिश्रण सुकंच ढवळून घेतलं.

२ कप पाणी गरम करून पिठात हळू हळू मिक्स केलं. पीठ व्यवस्थित मळून घेतलं. मळलेल्या पिठाचे लांबट गोळे करून चकली पात्रात घातले आणि चकल्या करून घेतल्या.

कढईत तेल गरम करून कमी ते मध्यम आचेवर चकल्या खरपूस तळून घेतल्या. खुसखुशीत पोह्यांच्या चकल्या तयार. :)
~ सुप्रिया घुडे