સૌપ્રથમ પાલકની ભાજીને મોટી સમારીને ધોઈ અને બાફી લેવી. ભાજી બફાઈ જાય એટલે તેમાંથી પાણી નિતારી થોડીવાર ઠંડી થવા દેવી.

ત્યાર પછી એક પહોળા વાસણમાં ઘઉંનો લોટ લઇ તેમાં બાફેલી ભાજી, આદુ મરચાંની પેસ્ટ, લીલા ધાણા અને સ્વાદ અનુસાર મીઠું ઉમેરી બે ચમચા જેટલું તેલ નાખી બરાબર મિક્સ કરવું. પછી જરૂર મુજબ પાણી ઉમેરી પરોઠા જેવો કઠણ લોટ બાંધવો.

લોટને ઢાંકીને 15 મિનિટ રહેવા દેવો. ત્યાર બાદ ગેસ ઉપર મધ્યમ આંચ પર તવી મૂકી લોટ ના લુવા કરી પરોઠું વણી બંને સાઈડ તેલ થી શેકી લેવું. આ રીતે બધા પરોઠાં તૈયાર કરવા. તો તૈયાર છે ટેસ્ટી પાલક પરાઠા.