सर्व साहित्य घ्यावे. सोयाबीन ५-६ तास भिजत घालावे.

कुकरमध्ये सोयाबीन शिजवून घ्यावे. कांदा,आलं, खोबरं, काजू, लसूण थोडे पाणी घालून मिक्सरमध्ये बारीक वाटावे. टोमॅटो प्युरी करावी.

कढईत तेल गरम झाल्यावर जीरे तडतडावे. कढीपत्ता घालून वाटण परतावे. तेल सुटले की, मसाले-हळद, तिखट, गरम मसाला, धणे जीरे पूड टाकून परतून घ्यावे.

टोमॅटो प्युरी व मीठ घालून चांगले परतून घ्यावे. शिजलेले सोयाबीन घालून चांगली उकळी घ्यावी. पातळ आवडीनुसार कमी-जास्त करावी. वरुन कोथिंबीर घालावी. पौष्टिक सोयाबीन भाजी तयार.