एका मोठ्या भांड्यात बाॅम्बे बेसन,दही,लिंबाचा रस,मीठ,हळद,आल मिरची पेस्ट घालून गरजेनुसार पाणी घालून गुठळ्या न होऊ देता पीठ भिजवून घ्यावे.

गॅसवर इडली स्टॅन्ड ठेवून त्यात पाणी घालून 5-6 मिनिट पाणी ऊकळवू द्यावे.तोपर्यंत एका भांड्याला तेल लावून ढोकळा वाफवण्यासाठी हे भांड तयार करून घ्यावे. आता एका बाऊलमधे तेल व फ्रुट साॅल्ट एकत्र करून वरील पीठावर घालून पीठ व्यवस्थित हलवून घ्यावे.

तयार पीठ तेल लावलेल्या भांड्यात ओतून घ्यावे. तयार इडली स्टॅडवर ढोकळ्याचे भांडे ठेवून झाकण लावून 15 मिनिट वाफवून घ्यावे. थोडे थंड झाल्यावर सुरी घालून ढोकळा झालाय हे बघून घ्यावे.

आता कढईत तेल घालून तेल तापल्यावर त्यात मोहरी,जीरे,तीळ,कडीपत्ता व हिंग घालून फोडणी करून घ्यावी. फोडणी जरा गार झाल्यावर 3 टेबलस्पून पाण्यात साखर घालून ते पाणी गार झालेल्या फोडणीत घालून फोडणी तयार ढोकळ्यावर घालून वरून कोथिंबीर व खोवलेल नारळ घालून ढोकळा हव्या त्या आकारात कापून सर्व्ह करावा.