उडीद डाळ स्वच्छ धुवून4-5 तास पाण्यात भिजत ठेवा. नंतर मिक्सर च्या भांडयात मिरची व आलं आधी बारीक वाटून घ्या आता त्यात भिजवलेली डाळ घालून (पाणी न घालता) अगदी बारीक वाटून घ्या हे मिश्रण भांड्यात काढून त्यात रवा,खोबऱ्याचे कापआणि मीठ घालून चांगले फेटुन घ्या.मग या मिश्रणाचे, पाण्याचा हात घेऊन,वडे थापून अंगठ्याच्या सहाय्याने मधे भोक पाडून गरम तेलात वडे सोनेरी रंगावर तळून घ्या.

तूरडाळ 1 तास पाण्यात भिजत ठेवा म्हणजे ती लवकर व छान शिजेल.डाळ कुकर मधून शिजवून घ्या. चिंच पाण्यात भिजवून कोळ काढून घ्या. भाज्या कापून,त्यात थोडे पाणी घालून पातेल्यात शिजवून घ्या.

फोडणी साठी तेल गरम करा त्यात मोहरी-हिंग-कढीपत्ता घालून खमंग फोडणी करा मग त्यात हळद घाला व लगेच शिजवून घोटलेली तूरडाळ घाला शिजवलेल्या भाज्या घाला.चिंचेचा कोळ घाला. तिखट, सांबार मसाला, मीठ व गुळ घालून सांबार चांगले उकळवून घ्या. वरून थोडी कोथिंबीर घाला. सांबार तयार!!