मटारचे दाणे स्वच्छ धुऊन निथळत ठेवा बटाटा सोलून त्याच्या तुम्हाला हव्या त्या आकाराच्या फोडी करुन घ्या. भांड्यामध्ये दोन टेबलस्पून तेल घालून मोहरी -हिंगाची फोडणी तडतडू द्या.

त्यामधे कडीपत्ता घाला नंतर मटार दाणे आणि बटाटा घालून व्यवस्थित मिक्स करून त्यावर झाकण ठेवून वाफेवर पाच मिनिटे भाजी शिजू द्या. या भाजीला थोडेसे जास्त तेल चांगले लागते

मिक्सरच्या भांड्यामध्ये धुतलेली कोथिंबीर, मिरच्यांचे तुकडे,आले-लसूण, एक टीस्पून जीरे,चवीनुसार मीठ घालून पाणी न घालता बारीक वाटून घ्या.

वाटलेले हिरवे वाटण भाजी मध्ये घालून मिक्स करून मंद आचेवर वाफेवर पाच-सात मिनिटं शिजू द्या. मटार बोटचेपे शिजले की त्यामध्ये गरज असल्यास परत मीठ (वाटणात घातले आहे) आणि लिंबाएवढा गूळ घालून भाजी नीट मिक्स करा. तीन ते चार मिनिट भाजी शिजल्यावर गॅस बंद करा आणि गरम गरम भाजी पुरी किंवा पोळीबरोबर सर्व्ह करा.