منحط كاستين الماء والحليب الدافئ والزيت بصحن ومنضيف فوقن بياض البيض ونص كاسة سكر
وخميرة ومنخفقن منيح

مننخل فوقن الطحين مع المحلب بالتدريج مع الخفق ونضيف الملح آخر شي. منعجن منيح لتتماسك، منتركا نص ساعة بمكان دافي لتختمر

منقطعن لدوائر متساوية ومنحشين شوكولاتة انا استخدمت نوتيلا ومنعملن طابات ومنصفن بصينية مدورة، منرجع منتركن ربع ساعة يختمروا

مندهن الوجه صفار بيض مع شوية فانيليا ومنرش سمسم ابيض. الفرن لازم نشغلو قبل بنصف ساعة على درجة حرارة ٢٠٠ من فوق وتحت، منحط الصينية على آخر طبقة من تحت مدة ١٥ دقيقة