प्रथम आपण व्हेज कटलेट बनवून घेऊ त्यासाठी कोबी, गाजर, भोपळी मिरची बारीक चिरून किंवा किसून घ्यायचे आहे बटाटाही किसून घ्यायचा आहे. हे सर्व मिश्रण एका भांड्यात घेऊन त्यामध्ये कॉर्नफ्लॉवर, मैदा, अर्धा टी स्पून हळद, एक टिस्पून तिखट, एक टी स्पून गरम मसाला, बारीक चिरलेली कोथिंबीर, एक टी स्पून आमचूर पावडर, चवीनुसार मीठ, एक टेबलस्पून धना जिरा पावडर असे सर्व टाकून हाताने व्यवस्थित मिक्स करून घ्या. आपल्याला हव्या त्या आकाराचे चपटे कटलेट बनवून घ्या.

तेल तापवून मिडीयम आचेवर हे कटलेट तळून घ्या आणि बाजूला ठेवून द्या. रेड ग्रेव्ही बनवण्यासाठी एका पॅनमध्ये तेल घेऊन त्यात एक टीस्पून जीरे,लसूण,आले, उभा चिरलेला कांदा हे टाकून कांदा गुलाबी रंगाचा होईपर्यंत परतून घ्या नंतर त्यामध्ये काजू, दोन टोमॅटो चिरून घाला आणि परत टोमॅटो नरम होईपर्यंत परतून घ्या सर्वात शेवटी एक टेबलस्पून लाल मिरची पावडर घालून गॅस बंद करा.

वरील मिश्रण थंड झाले की मिक्सर मधून बारीक वाटून घ्या आता परत टाईम गॅसवर ठेवून त्यामध्ये दोन टेबलस्पून तेल घाला आणि जीरे,लवंग दालचिनी, तमालपत्र असा खडा मसाला त्यावर टाकून तयार मिक्सर मधली रेड ग्रेव्ही त्यामध्ये घाला आणि व्यवस्थित चार पाच मिनिटात तेल सुटेपर्यंत परतून घ्या. तेल सुटू लागल्यावर त्यात चवीनुसार मीठ,धना जिरा पावडर, थोडीशी आमचूर पावडर घालून पाणी टाकून हवी तेवढी कन्सिस्टन्सी करून घ्या. चांगली उकळी आल्यावर गॅस बंद करा.

भाजी सर्व्ह करताना भांड्यात किंवा पॅनमध्ये कटलेट लावून वरतून रेड ग्रेव्ही घाला आणि वरतून बारीक चिरलेली कोथिंबीर टाकून सर्व्ह करा. गरम गरम रोटी किंवा फुलक्या बरोबर खायला ही भाजी अप्रतिम लागते आवडत असेल तर वरतून चीज किसून घालू शकता.