उडीद डाळ स्वच्छ धुऊन त्यात पाणी घालून सहा ते सात तास भिजत ठेवावी.नंतर त्यातील पाणी काढून बारीक वाटून घ्यावी. बाऊल मध्ये काढून चवीनुसार मीठ घालून फेटून घ्यावी.

कढई मध्ये तेल गरम करण्यास ठेवावे. वाटलेल्या डाळी मध्ये बारीक चिरलेली मिरची,कढीपत्ता घालून,त्याचे वडे तळून घ्यावे.बाऊल मध्ये पाणी घेऊन त्यात तळलेले वडे घालावे.पाच मिनिटांनी वडे पिळून घ्यावे.

दह्यामध्ये साखर मिक्स करून व्यवस्थित फेटून घ्यावे.प्लेट मध्ये वडे ठेवावे त्यावर क्रमाने दही,पुदिना चटणी,चिंचेची चटणी घालावी.