बटाटे साले काढून किसून घ्या. त्यात भाजणी, कोथिंबीर, आलं आणि मिरची क्रश, साखर, दोन चमचे तूप, जीरे पावडर एकत्र करून आधी कोरडे मिक्स करून घ्या.

आता या मिश्रणात हळूहळू पाणी घालून थालिपीठ थापता येईल असे मिश्रण भिजवून घ्या. साधारण चार मध्यम आकाराचे गोळे करा.

पोलपाट किंवा तव्यावर थालीपीठ थापून घ्या. त्याला तीन ते चार भोके पाडून त्यात चमच्याने तूप सोडा. यामुळे थालीपीठ खरपूर भाजले जाते.

झाकण ठेवून थालीपीठ भाजू द्या. १० मिनिटांनंतर झाकण काढून थालीपीठ परतून घ्या. दुसऱ्या बाजूने खरपूस भाजले की तयार झाले आपले उपवासाचे थालीपीठ !!