गुलाबजाम मिक्स पावडर ताटात काढून घ्यावी. (मी चितळे गुलाबजाम मिक्स घेतले आहे.) त्यात दूध घालून मऊसर गोळा मळून घ्यावा.

एकीकडे पातेल्यात साखर व पाणी मिक्स करून पाक करण्यास ठेवावा.साखर विरघळली,हाताला पाक थोडा चिकट लागला की त्यात वेलची पावडर घालावी.आपला पाक तयार आहे.

एकीकडे कढईत तेल/तूप गरम करण्यास ठेवावे.मळलेल्या गोळ्याचे लहान सुपारी एव्हढे गोळे करावे व मंद आचेवर गुलाबी रंगावर तळून घ्यावे.

तळलेले गोळे पाकात घालावे.सात आठ तास पाकात मुरु द्यावे.