#UVR
उपवास म्हणजे परमेश्वराच्या जवळ जाणे.मन व शरीर शुद्ध करणे.सर्व संस्कृतींमध्ये उपवासाचा रिवाज आहे.उपवास म्हणजे आपल्या पचनसंस्थेला एक दिवस विश्रांती देणं.हलका आहार,फळं,दही, ताक यांचा आहारात समावेश करणं.दररोज आपली चयापचय संस्था कार्य करुन थकते,तिला विश्राम म्हणून उपवास सांगितला आहे.पण आपल्याकडे होते उलटेच!एकतर अगदी कडक उपास करुन शरिरातील पित्तप्रकोप वाढवणे किंवा उपवासाचे पचनास अतिशय जड अशा पदार्थाचे सेवन करुन तब्येत बिघडवणे.या दोन्ही गोष्टी न करता दररोजसारखेच पण थोडे कमी खाणे हा उपास.पण.....असं काही होत नाही.थोडा अध्यात्मिक भाव जरी असला तरी उपासाचे छान छान पदार्थ खाण्याची गंमत निराळीच!!म्हणतात ना...एकादशी,दुप्पट खाशी!
खरंतर उपासाचे पदार्थ जाम भारी लागतात.😋कितीही खायचे नाही म्हणलं तरी साबुदाणा खिचडी,थालीपीठं, बटाट्याची भाजी,साबुदाणे वडे,किती नि काय...शिवाय हे अगदी चारीठाव,रेलचेल केले जातात.त्यावर एखादा ज्युस किंवा स्वीटडीश...😜
मला नेहमी उपवासाचं काहीतरी वेगळं करायला आवडतं.म्हणून आज केलेत उपवासाचे बटाटेवडे..आज चतुर्थी, दमल्याभागल्या जीवाला काहीतरी खमंग हवंच की हो!😄...मग केले उपवासाचे चमचमीत बटाटेवडे आणि चटणी...चला,बघा तुम्हीही चव घेऊन,जरा वेगळं काहीतरी...😋😋