في إناء نحط كامل نواشف منبعد نزيد حليب و ماء كي نشوفها تلمتلي نبدا نزيد مارغرين حتى تولي عجينة طرية نخليها ترتاح مدة ربع ساعة و نروح نوجد زبدة توريق كما موضح في صورة

بعد ماترتاح نجبدها و نرش فرينة في مكان العمل و نحلها بالحلال ونحط عليها زبدة توريق و نغلق عليها و نحلها بالحلال و نبدا نغلق عليها كما موضح في صورة

نديرلها سوليفان و ندخلها ثلاجة مدة ربع ساعة أو أكثر

بعد ما نخرجها نحلها بالحلال و نبدا نغلق فيها كما في صورة

نزيد نغطيها بالسوليفان و ندخلها ثلاجة تريح نصف ساعة أو أكثر منبعد نحلها بالحلال و نقلع حواشي بسكين و نقسمها كما في صورة

إذا حبيتي كرواسو تبعي خطوات لي فالصورة و تحطيها في صينية و خليها تخمر ساعة أو أكثر على حساب ما يخمرو دهنيها بالبيض و دخليها الفرن

و إذا بان شوكو كما موضح في صورة نفس شيء و نخليها تخمر منبعد ندهنها بصفار بيض و ندخلها الفرن

يجي مورق

أنا تقلقت عليهم مخليتهمش يخمرو بزاف عليها خرجولي صغار