प्रथम एका कढईत 4 कप पाणी उकळत ठेवले. त्यात एक चिमूट मीठ, 1 चमचा तेल घालून, पाणी चांगले उकळले की त्यात तांदळाच्या शेवया घातल्या. शेवया शिजल्या की त्या चाळणी मधे घालून चाळणीतून पाणी निथळून टाकले.

नंतर त्याच कढईत तेल घालून ते चांगले गरम झाल्यावर त्यात 1चमचा मोहरी, 2 हिरव्या मिरच्या जाडसर चिरून, 2 काजू तुकडे करून थोडे परतून त्यात बारीक चिरलेला 1 कांदा पारदर्शी झाल्यावर त्यात तांदळाच्या शेवया घातल्या.

मग त्यात चवीनुसार मीठ,साखर, लिंबाचा रस,घालून चांगले परतून घेतले. आणि मंद आचेवर, झाकण ठेवून, 1वाफ काढून घेतली. वाफ आल्यावर पटकन गॅस बंद करून कोथिंबीर घातली.