કોઇ 1 વાટકી અથવા કપનુ માપ રાખવુ. જે વાટકી ભરીને ઘઉં નો કરકરો લોટ લઇયે એજ વાટકી ૧/૨ ભરીને સમારેલો ગોળ લેવો અને પોણી વાટકી પાણી લેવુ.લોટને મોટા વાડકામાં કાઢીને તેમાં ૨ ચમચી તેલનુ મોણ નાંખવુ. મીક્સ કરવુ. મુઠી વળે એવુ મોણ નાંખવુ. જાડા તળીયાવાળા અથવા નોનસ્ટીક પેનમાં પાણી ઉકાળવા મુકો. તેમાં ગોળ નાંખો.ઉકળવા દો.

૨,૩ મીનીટ ઉકળે પછી તેને ગાળી લો. આમ કરવાથી ગોળમાં રહેલુ કચરુ નીકળી જશે. ફરીથી આ ગોળનુ પાણી ઉકાળવા મુકો.તેમાં એક ચમચો ઘી નાંખો. ઉકળવા માંડે એટલે તેમાં થોડો થોડો કરીને લોટ ઉમેરી દો. હલાવવાનુ નથી. વેલણથી ૪,૫ કાણા પાડી દો. પછી ઢાંકી દો.

૫,૭ મીનીટ આમજ રહેવા દો.તે દરમિયાન બીજા ગેસ ઉપર લોખંડની લોઢી ગરમ કરવા મુકી દો.હવે પેન ખોલીને લાપસી વેલણથીજ બરાબર હલાવી લો.હવે તે પેન ગરમ કરેલી લોઢી ઉપર મુકીને ગેસ ની ફ્લેમ એકદમ ધીમી કરી દો.ઢાંકેલુ જ રાખવુ. ૮,૧૦ મીનીટ આમ જ રહેવા દો.આમ કરવાથી લાપસી ચોટસે નહી અને છુટ્ટી થશે.