प्रथम वांगी स्वच्छ धुवून घ्या. व त्याला चिरा पाडा.

आता ही वांगी मिठाच्या पाण्यात थोड्या वेळा करता तशीच ठेवा.

पॅनमधे बेसन कोरडेच भाजून घ्या.

आता एका प्लेटमधे भाजलेले बेसन, लाल तिखट, हळद, गरम मसाला, कांदा लसूण मसाला, मीठ, कांदा, शेंगदाणे कूट, सुके खोबरे किस, कोथिंबीर आणि थोडे तेल घाला.

आता हे मिश्रण हातानेच छान एकत्र करा.

तयार मिश्रण वांग्यामधे छान भरून घ्या.

आता ही स्टीम (वाफवून) घ्या.

पॅनमधे थोडे तेल गरम करून त्यात धणे, जीरे आणि खसखस छान परतून घ्या.

नंतर त्यात उभा चिरलेला कांदा, आलं, लसूण, सुके खोबरे किस, तिळकूट, कोथिंबीर घालून छान परतून घ्या.

आता हे साहित्य छान बारीक वाटून घ्या.

कढईत तेल गरम करून त्यात कडिपत्ता आणि तयार वाटण घालून छान परतून घ्या.

नंतर त्यात हिंग,लाल तिखट,हळद, मीठ घाला.

थोडे पाणी घालून छान एकत्र करून घ्या.

आता त्यात चिंचेचा कोळ आणि गूळ घाला.

उकड काढलेली वांगी घालून छान वाफ काढा.

वरून कोथिंबीर घाला.

गरमागरम भाकरीसोबत सर्व्ह करा.