शेपूची भाजी व्यवस्थित नीट करून स्वच्छ धुऊन चिरून घ्यावी. मिरची चिरावी, लसूण ठेचून घ्यावा, शक्यतो खलबत्त्यात शेंगदाणे जाडसर कुटून घ्यावेत.

पॅनमध्ये तेल गरम करून त्यात मिरची व लसूण फोडणीला घालावे. या फोडणीवर शेपूची भाजी घालावी, जाडसर शेंगदाणे कुट, धुतलेली मुगडाळ, व आवश्यकतेनुसार मीठ घालून परतावे. त्यानंतर पॅनवर झाकण झाकून भाजी शिजू द्यावी.

मुगडाळ बोटचेपी झाली की, व भाजी शिजल्याची खात्री करून गॅस बंद करावा. ही शेपूची भाजी भाकरी किंवा चपातीबरोबर सर्व्ह करावी.