પેસ્ટ માટેની સામગી્ઓ માંથી કોપરાનુ છીણ, લાલ મરચુ, લસણઅને કોથમીર સિવાયની બધી વસ્તુઓ સેકી લો. તેમાં લાલ મરચુ, કોપરાનુછીણ અને લસણ નાંખીને ફરી સેકો. ઠંડુ થવાદો. તેમા કોથમીર મીક્સ કરીને તેની પેસ્ટ બનાવી લો.ફણગાવેલા મગ અને મઠ મીઠું હળદર નાંખેલા પાણીમાં ૧ વ્હિસલ વગાડીને બાફી લો.ઠંડુ પડે એટલે કાણાવાળા વાડકામાં કાઢીને પાણી અલગ કરો. આપણે આ જ પાણી નો રસો બનાવવાનો છે.

હવે આપણે રસો બનાવીશુ. ૧/૪ કપ તેલ ગરમ કરો. જીરુ, લીમડીનો વઘાર કરીને ડુંગળી અને લસણ, આદુની પેસ્ટ સાંતળો. પછી લાલ મરચુ નાંખો. થોડીવાર હલાવતા રહો. રેડી કરેલી પેસ્ટ બધી નાંખી દો. હળદર, ધાણજીરુ નાખીને હલાવો.સ્વાદ મુજબ મીઠું નાંખો. તેલ છુટુ પડે એટલે મગ, મઠ બાફેલુ પાણી નાખીંને ઉકળવા દો. મીઠું નાંખો. ૫,૭ મીનીટ સુધી ઉકળે પછી ઉપર આવેલુ તેલ ચમચાથી ધીરેથી લઇ લો. આને તરી કહેવાય. બાઉલમાં થોડુ મીસલ લો. તેની ઉપર રસો નાંખો. તેની ઉપર તરી, ચવાણુઅને ઝીણી સમારેલી ડુંગળી નાંખીને બન સાથે સર્વ કરો.