એક મોટા વાસણમાં ઘઉંનો લોટ, રવો તથા પાપડખારો લઈ સરસ રીતે મીક્ષ કરવું. પછી થોડું-થોડું પાણી લઈ લોટ બાંધવો. (નોંધ:- એકાદ ટે.સ્પૂન પાણી વધઘટ થઈ શકે)

લોટ ભાખરીના લોટ જેવો બાંધવો. (સહેજ કઠણ હશે તો ચાલશે) પછી કપડાંને ભીનું કરી એકદમ નીચોવી લોટને ઢાંકી ૧ કલાક આરામ આપવો.

ત્યારબાદ લોટને ૩-૪ મીનીટ મસળી લેવો. પછી લોટના ૩ કે ૪ મોટા લુવા કરી લેવા. પછી એક લુવું લઈ પાતળો રોટલો વણી લેવો. પછી ગોળ કૂકી કટરથી અથવા કોઈ નાના ઢાંકણાંથી પૂરી કટ કરવી. આ રીતે બધા લુવાની પુરીઓ કરી લેવી. (નોંધ:- પૂરી પાતળી વણાવી જોઈએ)

એક પ્લાસ્ટિક પાથરી દરેક પુરીને તેના પર ગોઠવવી. અને ભીના કપડાંને એકદમ નિચોવી પછી તેનાથી બધી પુરીને ઢાંકીને ૧૫ મીનીટ આરામ આપવો.

હાઈ ફ્લેમ પર ગેસ ચાલુ કરી, તેલ એકદમ ગરમ થાય એટલે પુરીને તળવી.
- પ્લાસ્ટિક પર જે રીતે પૂરી હોય તે જ સ્થિતિમાં પુરીને તળવા મુકવી.
- તેલમાં નાંખ્યા પછી પૂરી ઉપર આવવા જાય તે વખતે ઝારાથી હલકા હાથે દબાવવી.
- પુરીને ફેરવીને બંન્ને બાજુ તળવી.
- પૂરી સહેજ બ્રાઉન (ગોલ્ડન) થાય ત્યાં સુધી તળવી.

પુરીને ૧ કલાક ખુલ્લી રાખી પછી એરટાઈટ કન્ટેનરમાં ભરી લેવી.
લાગે છે ને કે બહારથી લાવ્યા હોઈએ🥰🥰🥰