தேவையான பொருட்களை தயாராக எடுத்து வைத்துக் கொள்ளவும்.

ஆறின பாலில் சோள மாவை நன்கு கட்டியில்லாமல் கரைத்து, ஊற்றி கைவிடாமல் கிளறவும்.

சிறிது கெட்டியானதும், ஏலத்தூள், சர்க்கரை போட்டு, கொதித்து குறுகினதும் அடுப்பை நிறுத்தி விடவும்.

மிக்ஸி ஜாரில், மாம்பழத்தை தோல் சீவி சற்று பெரிய துண்டுகளாக நறுக்கி, மைய அரைக்கவும்.

அரைத்ததும், ஆறின பாலை சிறிது சிறிதாக விட்டு நன்கு அரைத்து, பௌலுக்கு மாற்றவும்.

பிறகு, கலந்ததை டம்ளர்களில் 3/4 பாகம் ஊற்றவும்.

டம்ளர் மேல் ஃபாயில் சுற்றி ரப்பர் பேண்ட் போட்டு நடுவில் ஐஸ்கிரீம் குச்சிகளை சொருகி, ஃப்ரீஸரில் 8 மணி நேரம் வைக்கவும்.

பின் பௌலில் சிறிது தண்ணீர் ஊற்றி டம்ளர்களை 2 நிமிடம் வைத்து எடுக்கவும்.

குறிப்பு:- மாம்பழ சீசனை நன்கு பயன்படுத்திக் கொள்ளவும். குழந்தைகள் முதல், பெரியவர்கள் வரை அனைவரும் விரும்பும் ரெசிபி இது. எனக்கு 1/2 லி பாலுக்கு, 4 குல்ஃபி வந்தது.