هذي خلطة بهارات الدجاج فقط للتوضيح..

غسلنا الدجاج جيدا وتخلصنا من الماء وحطينا فوقه الزبادي والثوم والزنجبيل وملعقة الصلصل..

وبعدين حطيت فيه جميع البهارات خلطة الدجاج اللي ذكرتها بمقادير الخطوة الأولى مع حزمة الكزبرة..

وخلطنا المكونات مع بعضها البعض وادخلها الفريز أقل شي ساعتين مو أقل..

بعدين نجيب قدر ونسخن فيه قليل من الزيت ونحط البهارات الصحيحة ليمون جاف 2 وعود قرفة و شوية كمون حب و3 حبات هيل و3 حبات قرفه حسب رغبتكم..ونقليهم لين تتطلع ريحتهم دقيقتين ونضيف البصل ونقلبه لين يتحمر.. وبعدها انطلع خلطة الدجاج ونسكبها فوق البصل..

مجرد ما ياخذ غلوة نحط الطماط والفلفل البارد ونخلطهم ونضيف كاستين ماء ونخلطهم مع بعض جيدا ونسكر عليه على درجة حرارة متوسطه لمدة 45 دقيقة أو أقل أو أكثر حسب حجم الدجاج..

لو خف الماء والدجاج ما استوا زيدو شوي ماي.. انتهبو عن ينشف الماء عنه بين كل 10 دقايق قلبوه

في هذي الاثناء نقلي بطاطا واحده مقطعه مربعات وسط ونحط عليها شوية صبغة لون ورشه ملح

ونقليها بزيت غزير لين تحمر وتستوي نص استواء.. راح نحطيها بالخلطة..

ونقلي البصل نحط عليه شوية طحين ونقليه بزيت غزير للزينه وعلى ورق ماص مجرد مايحمر..

نقلي كاجو غير مملح لين يحمر..

بعد مرور 25 دقيقه نظيف البطاطا المستويه نص استواء.. ونظيف قليل من الماء اذا حسيتو الخلطة نشفت

بعد مرور 45 دقيقه الدجاح استوا..

انا ضفت قليل من الماء لازم مايكون ناشف لان الرز ما استواا عدنا استواء كامل..

نضيف الرز وبعدها نكون مجهزين قبل ربع كوب ماء فيه زعفران منقوع شي ساعه..

ونسكر على القدر ونخليه على نار هادءه 30 دقيقه لين يستوووي الرز.. وماتخافوو دام الخلطه ماكانت ناشفه ماراح يقل الماء كثير.. اهم شي ماتكون ناشفه كثير عشان مايحترق..

وبكذااا نكون خلصنا😥😥 انشاء الله تكونو فهمتو علي 😳

نجهز صحن التقديم وناخذ الرز الابيض نخلطه شوي لحاله مع الصبغه من فوق ونضيفه بالصحن وبعدين ونبدأ بخلط الخلطه شوي مع الارز بقاع القدر ونضيفه فوق الارز..

ونزينها بالبصل والكاجو والكزبرة.. او حسب رغبتكم.

يمي يمي 😍😍

جعتو 😂 تلذذتوو

وروني شطارتكم يلا💪 انتووو قدها 😙😙

ونختمها بالصلاة والسلام على سيدنا الحبيب شفيع الأمة الإسلامية محمد صلى الله عليه وسلم 😙😙..وجمعة طيبة على الجميع ❤❤