إفتح في تطبيق كوكبادالخطوات
- 1
اول حاجه هنجيب البصله وثوم نفرمهم ناعم جداً وبعد كده هنحط الفراخ في الكبه ونضربها لحد ما تبقى زي العجينة بعد كده هنضيف لها البطاطس المسلوقه والبهارات والبصل والثوم وهنضربهم في الكبه كلهم مع بعض
- 2
بعد كده بنجيب ورق استرتش بنمسحه بشويه زيت ونضيف عليه العجينة اللي ضربناها في الكبه ونحط لها طبقة تاني من فوقيها ورق استرتش ونقعد نفردها لحد ما تبقى مربع كبير معانا بعد كده بنشيل الاسترتش اللي على الوجه وبنقطعها مربعات ونرجع نغطيها بالاسترتش تاني ونحطها في الفريزر لمده ساعة
- 3
بعد كده بنبتدي نجهز وجه التغطيه للناجتس
- 4
بنجيب طبق نحط فيه كوبين من كرسبي ومعاه نص ملعقة ملح ونص ملعقة فلفل ونص ملعقة بهارات فراخ ونقلبهم كويس
- 5
بعد كده بنجيب طبق تاني بنحط فيه كوب الدقيق وعليه ملح وفلفل
- 6
وبنجيب طبق ثالث وبنحط فيه كوب اللبن وبيضتين وملح وفلفل ونقلبهم كويس
- 7
بعد كده بنطلع قطع الناجتس من الفريزر بيكون جمدت معانا
- 8
بنحطها في اول حاجه في الدقيق وبعد كده في البيض وبعد كده في الكرسبي
- 9
بعد كده نجيب طاسه بنحط لها زيت غزير بتشغل عليها النار لحد ما الزيت يحمى جداً بعد كده نخفف الحراره على الزيت ونحط قطع فراخ لحد ما تستوي
- 10
بالف هنا ويا رب الوصفه تنال اعجابكم ❤️
وصفات مشابهة
وصفات ننصحك بمشاهدتها
التعليقات (3)