إفتح في تطبيق كوكبادالخطوات
- 1
اولا نقوم بتقطيع البصل جوانح ونرشه بالدقيق
- 2
في طاسة بها زيت غزير نبدأ تحمير البصل الى أن ياخذ لون ذهبي محمر
- 3
و في نفس الوقت نسلق المكرونة كلا على حدا أو زي ما تحبي بس انا بفضل كل نوع لوحده بعد ما يستوي تتصفى المكرونة وترجعها في الحلة تاني ونلفها بمعلقتين زيت بتاع البصل
- 4
و نكون غسلين العدس كويس وننقعه ربع ساعة
- 5
بعد ما نخلص البصل في حلة على نار نستخدم ٢ملعقة زيت بتاع البصل نحط فيه بصلة مقطعة مكعبات صغيرة ونشوحها وننزل عليهم بفص ثوم ننزل عليهم العدس مع إضافة ملح وكمون ونغيطيهم بالمية ونسيبه يستوي
- 6
ملحوظة (منقلبش العدس كتير عشان مش يعجن وبعد مانطفي النار نكشف الغطا عشان مش يعجن برضووو😅😅😅)
- 7
نضرب الطماطم في الخلاط لعمل عصير طماطم
- 8
ف حلة على نار نجيب زيت من بتاع البصل وننزل فيه بفصين ثوم نشوحهم تشويحة بسيطة وننزل عليهم بعصير الطماطم والملح ورشة فلفل اسود وبابريكا ونسبها تتسبك شوية
- 9
ف حلة على نار نجيب شوية من زيت البصل ونحمر فيه الشعيرية ونحط عليها ميه عشان تستوي وملح ورشة فلفل اسود
- 10
ف حلة على النار نسلق الحمص ونضع له ملح ونكون نقعينه قبلها ب ١٢ ساعة تقريبا(من بالليل للصبح)
- 11
في حلة صغيرة على نار هادية نحط اخر شوية زيت البصل وننزل عليهم بمعلقتين شطة نقلبهم شوية في الزيت وننزل عليها بكبشتين صلصلة
- 12
ف كسرولة صغيرة بها معلقتين خل + فصين ثوم مفرومين + نص كوب ميه +ملح وكمون ونسبهم يغلوا خمس دقائق
- 13
و بكدة نكون خلصنا بالهنا والشفا يارب
وصفات مشابهة
وصفات ننصحك بمشاهدتها
التعليقات