اللحمة لازم يكون بها دهن عشان متكشش. ناخد تفل البصل المفروم ونركنه علي جمب عشان هنصبع بيه اللحمة ونقلب اللحمة والبصل كويس اوي وننزل بالملح والتوابل والبهارات والبيكنج بودر والعيش يكون مبلول ونصفيه من المية ونقلبه مع اللحمة كويس

نقلب كله ونبدا نعمل اللحمة صوابع وطبعا الصوابع تكون مفرغة من النص ممكن نعملها بعصيان الشيش وندخلها التلاجة ساعة مثلا

نحضر صينية مدهونة زيت وندخلها الفرن وطبعا نكون مشغلين الفرن قبلها بعشر دقايق ونتابعها ونقلبها عشان متلزقش ومجرد ماتستوي نولع فحمة ونطفيها بالزيت ونحطها ف صينية الكفتة ونغطيها عشان تاخد ريحة الشوي وبالف هنا