اولا نبدأ نعمل الحشو بتاع الصينيه، على النار بنحط حوالى 3 معالق زيت ونضيف عليهم البصل واول ما يذبل بنضيف الفراخ ونقلبهم وبعدين نحط الفلفل الشرائح وقليل من الملح والفلفل ونقلب ونسيبها تشرب مايتها خالص وبعد ما تشرب مايتها وتستوي بنحط الزيتون ونقلب كويس معاها كده تمام.

ثانيا صوص البشاميل: على النار بنحط كوب الزبده وعليه معلقة زيت واول ما تسيح خالص ننزل بالدقيق ونقلب كويس جدا ونخلي بالنا ما يتكتل واول ما تمشي ريحة الدقيق طلعت خلاص تنزلي باللبن حبه حبه وانتي بتقلبي كويس جدا طبعا بالمضرب السيلك افضل قلبي قلبي لحد ما يتقل ويبقى القوام مظبوط معاك.

انزلى بمكعب الجبنه والماجى طبعا الماجى تكوني فرماها كويس والملح والفلفل وتقلبي وسيبيه يغلي غلوتين وطفي عليه تمام كده.

ثالثا سلق المكرونه: على النار بنحط ماية السلق وفيها معلقه-صغيره ملح وخلي بالك من تسوية المكرونه متخليهاش تستوي اوي سيبي فيها ندغه.

هتجيبي الصنيه او البيركس وتحطى فيها كبشة بشاميل وتفرديها كويس في الصنيه عشان المكرونه متلزقش فيها.

وبعدين كبشة كمان على المكان واقلبها كويس بحيس كل مكرونايه تاخد من الصوص.

هنحط طبقة مكرونه وفوقها الحشوه وعلى الحشوه هتحطى بشاميل تانى وبعدين مكرونه، وبعدين بشاميل كتير غطي المكرونه كلها وعليها هتحطي الموزاريلا.

تدخليها الفرن اول ما تلاقى جناب الوش اخدت لون شغل الشوايه واقفى قصادها اول ما الوش كله يتحمر اقفلى على طول وطلعيها تبرد عشان تعرفى تقطيعها بسهوله وبالهنا والشفا.