أولاً منظف الدجاج ومنسلقو ومنشيل الزفرة ومنحطلو بصلة مقطعة شرائح وكم حبة هيل وورق غار وقطعة زنجبيل فريش وكم عود قرنفل ومنتركو لحتى يستوي

منقي الفريكة ومنغسلها منيح ومنحط ملعقتين سمنة بالطنجرة ومنحط الفريكة منقلبا مع السمنة لتاخد النكهة بعدا منضيف ماء سلق الدجاج للفريكة لحتى تنغمر ومنضفلا الفلفل والهيل والزنجبيل البودرة ومنحركا ومنغطيا ومنتركا على نار هادية لحتى تنضج

اذا نشفت الماء عنها وكانت الحبة بعدا مو ناضجة منرجع منضيف من مرقة الدجاج المسلوق ومنخليها على الهادي لتستوي

منسكب الفريكة ومنفت الدجاج ومنفردو على وجها ومنحمص المكسرات بشوية سمنة أو زيت ومنفردن فوق الدجاج ومنقدمن جنب سلطة أو لبن بخيار وصحتين وعافية 🌷