એક વાસણ ની અંદર ચણા ના લોટ ને ચારી લો, હવે બીજા વાસણ તેની અંદર ચણાનો લોટ અને દહીં નાખી સરખી રીતે મિક્ષ કરો. એક બાબત નું ધ્યાન રાખવું તેમાં કણી કણી રહી ના જાય.

હવે દહીં અને ચણાના લોટના મિશ્રણ ની અંદર પાણી ઉમેરી સરખી રીતે મિક્ષ કરો.

એક કડાઈ માં તેલ અથવા ઘી ગરમ કરવા મુકો, તેલ ગરમ થયા પછી તેમાં, રાઈ, જીરું, મેથી ના દાણા, મીઠો લીમડો અને આખા લાલ મરચા ઉમેરો અને વઘાર આપો.

હવે તજ અને લવિંગ ઉમેરી ૩૦ સેકંડ સુધી ધીમા તાપમાને સેકો.

હવે લીલા મરચા અને આદુ લસણ ની પેસ્ટ ઉમેરો અને 2 મિનીટ સુધી સેકો.

હવે તે વઘાર ની અંદર ચણાના લોટ અને દહીં નું મિશ્રણ ઉમેરો અને કઢી ઉકળે નહિ ત્યાં સુધી તેને હલાવો. જયારે કઢી ઉકળી જાય ત્યારે ગેસ ધીમો કરી તેમાં મીઠું અને ગોળ નાખી 15 થી 20 મિનીટ ચડવા દો.

સરખી રીતે ચડ્યા પછી ગેસ બંધ કરી દો અને તેમાં લીલા ધાણા છાંટી પીરસો.