إفتح في تطبيق كوكبادالخطوات
- 1
أولاً نجهز المكونات كلها بحرارة الغرفة ومنحمي الفرن من فوق وتحت على حرارة 200درجة
- 2
في وعاء عميق منحط الزبدة الطرية وفوقا الفانيلا والسكر ومنخفق بالمضرب الكهربائي وبعدا منضيف البيض وحدة وحدة ونحن عمنخلط ومعا برش البرتقال وعصير البرتقالة
- 3
منشيل من الطحين مقدار ملعقة تقريباً على جنب ومنضيف باقي الطحين وملعقة الباكينغ باودر ومنخفق منيح شي دقيقتين وهلأ منقسم الخليط نصفين (النصف الاول منضفلو ملعقة الطحين يلي شلناها على جنب ومنكمل خفق لحتى يتجانس)
- 4
والنصف الثاني منضيف عليه ملعقة الكاكاو ومنخفق ليتجانس الخليط
- 5
هلأمنجهز الصينية الخاصة بال كب كيك ومنحط بقلبا ورق تبع الكب كيك ومنبدأ نسكب الخليط بالقالب بمقدا ملعقتين مليانين بكل وحدة طبعاً ملعقة من الخليط السادة وملعقة من الخليط الأسود أو إذا حبيتو تعملو كلشي لحال ممكن كمان
- 6
هيك بكون تعبى نص القالب تقريباً مامنمليها لنعطيها مجال تنتفخ بالفرن
- 7
هلأ منحط الصينية بالفرن بالرف الوسط ومنخفف النار على حرارة 160 درجة ومنخلي بس التحتاني شاعل ومنعير 15دقيقة ومنرجع منشغل فوق شوي خمس دقائق بس لتاخد لون ومنطفي الفرن ومنطالع الصينية من الفرن
- 8
منشيل قطع الكب كيك من الصينية منتركن يبردو شوي مابطولو عشر دقائق بعدين منزينن مندهن وجهن بالشوكولاتة مذوبة ومنحط عليهم فارمسلي أو أي زينة انتو بتفضلوها وبالهنا يارب
- 9
ملاحظة : الكوب يلي استخدمتو لهالوصفة هوي كوب حجم وسط تقريباً 200مل لأن العيار مو كبير كتير وبيكفي تماماً ل 12قطعة من الكب كيك وبالهنا يارب ان شالله تعجبكم الوصفة بتمنى تجربوها وتشاركوني تعليقاتكم 🌷
وصفات مشابهة
وصفات ننصحك بمشاهدتها
التعليقات (15)