સૌપ્રથમ 200 ગ્રામ વટાણા ને ધોઈ ને 3 ગ્લાસ ગરમ પાણી માં 4 કલાક પલાળી રાખો
તે દરમ્યાન સર્વિંગ માટે જરૂરી એવી પીનટ બટર (સીંગદાણા નું બટર) અને રેશમપટ્ટી મરચા થી બનાવેલી લાલ ચટણી, લીલી ચટણી અને ખજૂર આમલી ની ચટણી જે આપણે રોજ-દરરોજ ના વપરાશ માં લેતા હોઈએ છીએ તે બનાવી લો. તેમજ વઘાર માટે ટમેટાં અને કાકડી ની પ્યુરી બનાવી લો.

વટાણા પલળી જાય એટલે એક બાજુ પલાળેલા પાણી માં જ‌ તેને 8 સીટી થાય ત્યાં સુધી બાફી લો. (બાફતી વખતે જરુર લાગે તો થોઙું પાણી ઉમેરી લેવું) તેમજ બીજી બાજુ કાચા કેળા ને ધોઈ તેનાં પર ચપટી નીમક ભભરાવી 1/2 ગ્લાસ પાણી નાખી 3 સીટી થાય ત્યાં સુધી બાફી લો.

કેળા બફાઈ જાય એટલે તેની છાલ ઉતારી અંદરનો માવો એક પ્લેટમાં લઈ બરાબર રીતે છૂંદી લો અને તેમાં સ્વાદ અનુસાર નીમક તેમજ ઝીણી સમારેલી કોથમીર, સીંગદાણા નો ભુકકો, કૉર્ન ફ્લોર અને લીંબુનો રસ ઉમેરી બરાબર મિક્સ કરી લો.

કેળા નો માવો તૈયાર થઈ જાય એટલે તેમાં થી નાના નાના લુઆ લઈ પેટીસ બનાવી લો. ત્યારબાદ ઢોસા નો તવો ગરમ કરી તેના પર થોડું તેલ નાખી બધી પેટીસને બન્ને બાજુ ગોલ્ડન બ્રાઉન થાય ત્યાં સુધી શેકી લો.

હવે તેમાં બાફેલા વટાણા ઉમેરી 15 મીનીટ સુધી ધીમા તાપે ચઢવા દો ત્યારબાદ ગૅસ બંધ કરો દો.

(શિયાળાની સીઝન માં જયારે તાજાં લીલાં વટાણા મળતા હોય તો પેટીસ ના માવામાં 10 મીનીટ પારબોઇલ કરીને વધારાનું પાણી ગાળી લઈ અને એ વટાણા વાટી ને (પીસીને) ઉમેરી શકાય.)

(અજૈન વાનગી બનાવવી હોય તો કેળાની સાથે અથવા તો તેની બદલે બટાકા વાપરી શકીએ. તેમજ ઙુંગળી અને લસણનો ઉપયોગ પણ કરી શકાય.)

(પીનટબટર અને લાલ મરચાં ની ચટણી બનાવવા માટે મીક્ષર જારમાં 2 ચમચી પીનટબટર, 6-8 લીલાં લાલ મરચાં,સ્વાદ અનુસાર નીમક અને જરુર મુજબ પાણી ઉમેરી પીસી લેવું. ચટણીમાં સૂકા લાલ મરચા વાપરીએ તો પહેલા તેને 15 મીનીટ સુધી ગરમ પાણીમાં પલાળી રાખવા પછી તેમાંથી બીઆ અલગ કરી લઇ પલાળેલા પાણી સાથે જ પીસી લેવા અને પછી પીનટબટર તેમજ નીમક જરુર મુજબ ઉમેરવા અને 1 સેકન્ઙ ફરી પીસી લેવું.)