نخلط البيض و السكر بالخلاط حتى نتحصل على مزيج ابيض مضاعف تم نضيف السوائل الحليب و الزيت و نخلط قليلا تم نضيف الكاكاو و الخميرة و الفرينة طبعا نكونو غربلناهم و نخلط بخلاط يدوي ثم ندهن المول بزيت و نرش عليه الكاكاو ثم نضعه في الفرن ساخن مسبقا على درجة 160

عند اخراج الكيكة نخليها تبرد خمس دقائق ثم نقلب المول و هنا كاين لي يحب الكيك مشرب كاين لي يحبو ناشف انا درت شوية حليب دافي مع شوية شوكولا غبرة و رشيت شوية فقط بالنسبة للكريمة الطازجة خفقتها بالخلاط و زدتلها شوكولا كنت ذوبت 50 غ فقط في حمام مريم و تحصلت على الچاناش اللي فالصورة

فرغت الچاناش داخل الكيك فالجهة المجوفة و سويتها مليح و حطيتها تبرد و حطيت الشوكولا تدوب فحمام مائي الكمية لي بقاتلي 50 غ و كي ذابت فرغت عليها الدانيت شوكو و خلطتها حتى ولا مزيج متجانس و زدت فرغتو كطبقة تانية للكيكة و خليتها تبرد مليح و التزين كيما راكم تشوفو فالصور و ان شاء الله تجربوها و تعجبكم