نضيفو ربع زيت كأس زيت مع كأس حليب دافىء حبة بيض مغرف سكر زوج مغارف كبار خميرة الخبز ملح و نخلطوهم نضيفو فرينة تدريجيا و نلموها بماء دافىء حتى نتحصلو على عجينة ماشي طرية بزاف و ماشي يابسة عجينة نقدرو نتحكمو فيها نحطوها تختمر مدة ساعة

في هذه الأثناء نحضرو الحشو ديالنا في مقلاة نضيفو نصف صدر دجاح مع جزر مبشور ملح فلفل أسود نقليوهم مليح حتى يطيبو نزيدولهم فرماج (جبنة) مبشور و نخليوهم

بعد ما تخمرنا العجينة نجو نديڨازيوها و نحلوها بشكل طويل ممبعد نحشيوها و شكلوها كيما اي مثل تحبو
نضيفو لها صفار البيض سانوج (حبة البركة او حبة السودا) و نديروها في الفرن طيب و بصحتكم