اول شي بنجيب التمر وبنضيف عليه تلاتة ارباع كوب مي سخنة وبنخليهم ع جنب عشان يصير التمر طري.

بالخلاط بنحط البيضة والسكر والزيت والفانيلا والقشطة والحليب وبنخلطهم منيح.

بنرجع بنضيف عليهم التمر مع المي اللي نقعناه فيها وبنخلطهم كمان مرة.

بنصب اللي بالخلاط على السميد والبايكنج باودر والقرفة والهيل.

بنخلطهم يدوي وبعدين بنصب الخليط بقوالب او صينية مدهونة بالطحينة السائلة.

بندخلها الفرن لمدة نص ساعة تقريباً وبعدين بنحمرها خفيف من فوق.

اول ما نطلعها من الفرن نسقيها حليب مكثف محلى مخفف بشوية مي مع شوية قرفة مطحونة ، وبالعافية.