نعجن السميد والفرينة والملح والماء كيما اي مثل موالفين تعجنو المسمن عادي ونخلي العجينة ترتاح ربع ساعة ونحضر الحشو نقطع البصل رقيق ونحط عليه زوج مغارف زيت والتوابل عينك ميزانك

وتبداي تعركي بيدك مليح حتى تحسي التوابل دخلو والماء تعصر وتولي البصلة مرخية شغل قليتها وهي لالة قاعدة خضره

ومن بعد نشكلها كويرات بالزيت ومن بعد نغطيها بصاشي ونخليها ترتاح ربع ساعة او عشرين دقيقة عينك ميزانك

ومن بعد ما ترتاح نبدى نحل العجينة ونضع الحشو تاع البصل بالتوابل ونطبق مثل من نطبق المسمن ونحطها ونزيد نفتحلها وحدوخرة ونحطها لداخل ونطبق ونخلي ترتاح ومن بعد نبسط ونطيب مع التقليب وتحميرها كيما اي مثل تحبو